(ข) ปจฺจนีกํ

[479] (ก) โย จกฺขุนฺทฺริยํ น ปริชานิตฺถ โส โทมนสฺสินฺทฺริยํ นปฺปชหิสฺสตีติ ?

ปญฺจ ปุคฺคลา จกฺขุนฺทฺริยํ น ปริชานิตฺถ, โน จ โทมนสฺสินฺทฺริยํ นปฺปชหิสฺสนฺติฯ จตฺตาโร ปุคฺคลา จกฺขุนฺทฺริยญฺจ น ปริชานิตฺถ โทมนสฺสินฺทฺริยญฺจ นปฺปชหิสฺสนฺติฯ

(ข) โย วา ปน โทมนสฺสินฺทฺริยํ นปฺปชหิสฺสติ โส จกฺขุนฺทฺริยํ น ปริชานิตฺถาติ?

อรหา โทมนสฺสินฺทฺริยํ นปฺปชหิสฺสติ, โน จ จกฺขุนฺทฺริยํ น ปริชานิตฺถฯ จตฺตาโร ปุคฺคลา โทมนสฺสินฺทฺริยญฺจ นปฺปชหิสฺสนฺติ จกฺขุนฺทฺริยญฺจ น ปริชานิตฺถฯ

(ก) โย จกฺขุนฺทฺริยํ น ปริชานิตฺถ โส อนญฺญาตญฺญสฺสามีตินฺทฺริยํ น ภาเวสฺสตีติ?

เย ปุถุชฺชนา มคฺคํ ปฏิลภิสฺสนฺติ เต จกฺขุนฺทฺริยํ น ปริชานิตฺถ, โน จ อนญฺญาตญฺญสฺสามีตินฺทฺริยํ น ภาเวสฺสนฺติฯ อฏฺฐ ปุคฺคลา จกฺขุนฺทฺริยญฺจ น ปริชานิตฺถ อนญฺญาตญฺญสฺสามีตินฺทฺริยญฺจ น ภาเวสฺสนฺติฯ

(ข) โย วา ปน อนญฺญาตญฺญสฺสามีตินฺทฺริยํ น ภาเวสฺสติ โส จกฺขุนฺทฺริยํ น ปริชานิตฺถาติ?

อรหา อนญฺญาตญฺญสฺสามีตินฺทฺริยํ น ภาเวสฺสติ, โน จ จกฺขุนฺทฺริยํ น ปริชานิตฺถฯ อฏฺฐ ปุคฺคลา อนญฺญาตญฺญสฺสามีตินฺทฺริยญฺจ น ภาเวสฺสนฺติ จกฺขุนฺทฺริยญฺจ น ปริชานิตฺถฯ

(ก) โย จกฺขุนฺทฺริยํ น ปริชานิตฺถ โส อญฺญินฺทฺริยํ น ภาเวสฺสตีติ?

สตฺต ปุคฺคลา จกฺขุนฺทฺริยํ น ปริชานิตฺถ, โน จ อญฺญินฺทฺริยํ น ภาเวสฺสนฺติฯ ทฺเว ปุคฺคลา จกฺขุนฺทฺริยญฺจ น ปริชานิตฺถ อญฺญินฺทฺริยญฺจ น ภาเวสฺสนฺติฯ

(ข) โย วา ปน อญฺญินฺทฺริยํ น ภาเวสฺสติ โส จกฺขุนฺทฺริยํ น ปริชานิตฺถาติ?

อรหา อญฺญินฺทฺริยํ น ภาเวสฺสติ, โน จ จกฺขุนฺทฺริยํ น ปริชานิตฺถฯ ทฺเว ปุคฺคลา อญฺญินฺทฺริยญฺจ น ภาเวสฺสนฺติ จกฺขุนฺทฺริยญฺจ น ปริชานิตฺถฯ

(ก) โย จกฺขุนฺทฺริยํ น ปริชานิตฺถ โส อญฺญาตาวินฺทฺริยํ น สจฺฉิกริสฺสตีติ?

อฏฺฐ ปุคฺคลา จกฺขุนฺทฺริยํ น ปริชานิตฺถ, โน จ อญฺญาตาวินฺทฺริยํ น สจฺฉิกริสฺสนฺติฯ เย ปุถุชฺชนา มคฺคํ น ปฏิลภิสฺสนฺติ เต จกฺขุนฺทฺริยญฺจ น ปริชานิตฺถ อญฺญาตาวินฺทฺริยญฺจ น สจฺฉิกริสฺสนฺติฯ

(ข) โย วา ปน อญฺญาตาวินฺทฺริยํ น สจฺฉิกริสฺสติ โส จกฺขุนฺทฺริยํ น ปริชานิตฺถาติ?

อรหา อญฺญาตาวินฺทฺริยํ น สจฺฉิกริสฺสติ, โน จ จกฺขุนฺทฺริยํ น ปริชานิตฺถฯ เย ปุถุชฺชนา มคฺคํ น ปฏิลภิสฺสนฺติ เต อญฺญาตาวินฺทฺริยญฺจ น สจฺฉิกริสฺสนฺติ จกฺขุนฺทฺริยญฺจ น ปริชานิตฺถฯ (จกฺขุนฺทฺริยมูลกํ)

[480] (ก) โย โทมนสฺสินฺทฺริยํ นปฺปชหิตฺถ โส อนญฺญาตญฺญสฺสามีตินฺทฺริยํ น ภาเวสฺสตีติ?

เย ปุถุชฺชนา มคฺคํ ปฏิลภิสฺสนฺติ เต โทมนสฺสินฺทฺริยํ นปฺปชหิตฺถ, โน จ อนญฺญาตญฺญสฺสามีตินฺทฺริยํ น ภาเวสฺสนฺติฯ ฉ ปุคฺคลา โทมนสฺสินฺทฺริยญฺจ นปฺปชหิตฺถ อนญฺญาตญฺญสฺสามีตินฺทฺริยญฺจ น ภาเวสฺสนฺติฯ

(ข) โย วา ปน อนญฺญาตญฺญสฺสามีตินฺทฺริยํ น ภาเวสฺสติ โส โทมนสฺสินฺทฺริยํ นปฺปชหิตฺถาติ?

ตโย ปุคฺคลา อนญฺญาตญฺญสฺสามีตินฺทฺริยํ น ภาเวสฺสนฺติ, โน จ โทมนสฺสินฺทฺริยํ นปฺปชหิตฺถฯ ฉ ปุคฺคลา อนญฺญาตญฺญสฺสามีตินฺทฺริยญฺจ น ภาเวสฺสนฺติ โทมนสฺสินฺทฺริยญฺจ นปฺปชหิตฺถฯ

(ก) โย โทมนสฺสินฺทฺริยํ นปฺปชหิตฺถ โส อญฺญินฺทฺริยํ น ภาเวสฺสตีติ?

ฉ ปุคฺคลา โทมนสฺสินฺทฺริยํ นปฺปชหิตฺถ, โน จ อญฺญินฺทฺริยํ น ภาเวสฺสนฺติฯ เย ปุถุชฺชนา มคฺคํ น ปฏิลภิสฺสนฺติ เต โทมนสฺสินฺทฺริยญฺจ นปฺปชหิตฺถ อญฺญินฺทฺริยญฺจ น ภาเวสฺสนฺติฯ

(ข) โย วา ปน อญฺญินฺทฺริยํ น ภาเวสฺสติ โส โทมนสฺสินฺทฺริยํ นปฺปชหิตฺถาติ?

ทฺเว ปุคฺคลา อญฺญินฺทฺริยํ น ภาเวสฺสนฺติ, โน จ โทมนสฺสินฺทฺริยํ นปฺปชหิตฺถฯ เย ปุถุชฺชนา มคฺคํ น ปฏิลภิสฺสนฺติ เต อญฺญินฺทฺริยญฺจ น ภาเวสฺสนฺติ โทมนสฺสินฺทฺริยญฺจ นปฺปชหิตฺถฯ

(ก) โย โทมนสฺสินฺทฺริยํ นปฺปชฺชหิตฺถ โส อญฺญาตาวินฺทฺริยํ น สจฺฉิกริสฺสตีติ?

ฉ ปุคฺคลา โทมนสฺสินฺทฺริยํ นปฺปชหิตฺถ, โน จ อญฺญาตาวินฺทฺริยํ น สจฺฉิกริสฺสนฺติฯ เย ปุถุชฺชนา มคฺคํ น ปฏิลภิสฺสนฺติ เต โทมนสฺสินฺทฺริยญฺจ นปฺปชหิตฺถ อญฺญาตาวินฺทฺริยญฺจ น สจฺฉิกริสฺสนฺติฯ

(ข) โย วา ปน อญฺญาตาวินฺทฺริยํ น สจฺฉิกริสฺสติ โส โทมนสฺสินฺทฺริยํ นปฺปชหิตฺถาติ?

อรหา อญฺญาตาวินฺทฺริยํ น สจฺฉิกริสฺสติ, โน จ โทมนสฺสินฺทฺริยํ นปฺปชหิตฺถฯ เย ปุถุชฺชนา มคฺคํ น ปฏิลภิสฺสนฺติ เต อญฺญาตาวินฺทฺริยญฺจ น สจฺฉิกริสฺสนฺติ โทมนสฺสินฺทฺริยญฺจ นปฺปชหิตฺถฯ (โทมนสฺสินฺทฺริยมูลกํ)

[481] (ก) โย อนญฺญาตญฺญสฺสามีตินฺทฺริยํ น ภาวิตฺถ โส อญฺญินฺทฺริยํ น ภาเวสฺสตีติ?

ทฺเว ปุคฺคลา อนญฺญาตญฺญสฺสามีตินฺทฺริยํ น ภาวิตฺถ, โน จ อญฺญินฺทฺริยํ น ภาเวสฺสนฺติฯ เย ปุถุชฺชนา มคฺคํ น ปฏิลภิสฺสนฺติ เต อนญฺญาตญฺญสฺสามีตินฺทฺริยญฺจ น ภาวิตฺถ อญฺญินฺทฺริยญฺจ น ภาเวสฺสนฺติฯ

(ข) โย วา ปน อญฺญินฺทฺริยํ น ภาเวสฺสติ โส อนญฺญาตญฺญสฺสามีตินฺทฺริยํ น ภาวิตฺถาติ?

ทฺเว ปุคฺคลา อญฺญินฺทฺริยํ น ภาเวสฺสนฺติ, โน จ อนญฺญาตญฺญสฺสามีตินฺทฺริยํ น ภาวิตฺถฯ เย ปุถุชฺชนา มคฺคํ น ปฏิลภิสฺสนฺติ เต อญฺญินฺทฺริยญฺจ น ภาเวสฺสนฺติ อนญฺญาตญฺญสฺสามีตินฺทฺริยญฺจ น ภาวิตฺถฯ

(ก) โย อนญฺญาตญฺญสฺสามีตินฺทฺริยํ น ภาวิตฺถ โส อญฺญาตาวินฺทฺริยํ น สจฺฉิกริสฺสตีติ?

ทฺเว ปุคฺคลา อนญฺญาตญฺญสฺสามีตินฺทฺริยํ น ภาวิตฺถ, โน จ อญฺญาตาวินฺทฺริยํ น สจฺฉิกริสฺสนฺติฯ เย ปุถุชฺชนา มคฺคํ น ปฏิลภิสฺสนฺติ เต อนญฺญาตญฺญสฺสามีตินฺทฺริยญฺจ น ภาวิตฺถ อญฺญาตาวินฺทฺริยญฺจ น สจฺฉิกริสฺสนฺติฯ

(ข) โย วา ปน อญฺญาตาวินฺทฺริยํ น สจฺฉิกริสฺสติ โส อนญฺญาตญฺญสฺสามีตินฺทฺริยํ น ภาวิตฺถาติ?

อรหา อญฺญาตาวินฺทฺริยํ น สจฺฉิกริสฺสติ, โน จ อนญฺญาตญฺญสฺสามีตินฺทฺริยํ น ภาวิตฺถฯ เย ปุถุชฺชนา มคฺคํ น ปฏิลภิสฺสนฺติ เต อญฺญาตาวินฺทฺริยญฺจ น สจฺฉิกริสฺสนฺติ อนญฺญาตญฺญสฺสามีตินฺทฺริยญฺจ น ภาวิตฺถฯ (อนญฺญาตญฺญสฺสามีตินฺทฺริยมูลกํ)

[482] (ก) โย อญฺญินฺทฺริยํ น ภาวิตฺถ โส อญฺญาตาวินฺทฺริยํ น สจฺฉิกริสฺสตีติ?

อฏฺฐ ปุคฺคลา อญฺญินฺทฺริยํ น ภาวิตฺถ, โน จ อญฺญาตาวินฺทฺริยํ น สจฺฉิกริสฺสนฺติฯ เย ปุถุชฺชนา มคฺคํ น ปฏิลภิสฺสนฺติ เต อญฺญินฺทฺริยญฺจ น ภาวิตฺถ อญฺญาตาวินฺทฺริยญฺจ น สจฺฉิกริสฺสนฺติฯ

(ข) โย วา ปน อญฺญาตาวินฺทฺริยํ น สจฺฉิกริสฺสติ โส อญฺญินฺทฺริยํ น ภาวิตฺถาติ?

อรหา อญฺญาตาวินฺทฺริยํ น สจฺฉิกริสฺสติ, โน จ อญฺญินฺทฺริยํ น ภาวิตฺถฯ เย ปุถุชฺชนา มคฺคํ น ปฏิลภิสฺสนฺติ เต อญฺญาตาวินฺทฺริยญฺจ น สจฺฉิกริสฺสนฺติ อญฺญินฺทฺริยญฺจ น ภาวิตฺถฯ (อญฺญินฺทฺริยมูลกํ)ฯ

ปริญฺญาวาโรฯ

อินฺทฺริยยมกํ นิฏฺฐิตํฯ

ยมกปกรณํ นิฏฺฐิตํฯ